WhatsApp taldearen arauak

Taldearen helburuak

• Elkarteko bazkideen arteko harremana erraztea.
• Taldeko kideen seme-alaben tratamenduekin zerikusia duten egoerei buruz galdetzea edo zalantzei erantzutea.
• Ukituen bilakaerari edo garapenari buruz galdetzea edo zalantzei erantzutea.
• Arraildunei eta haien familiei eragiten dieten kezkei buruz galdetzea edo erantzutea.
• ASPANIF elkarteak sustatzen dituen jardueren berri ematea.
• Elkartearekin edo elkartea osatzen duten familientzat interesgarriak diren gaiekin zerikusia duen beste edozein jarduera zabaltzea.
• Informazioa ematea dagoeneko ezarrita dauden prozedurei buruz edo prozedura berriei buruz, arraildunek behar dituzten zerbitzuak lortzen laguntzeko (diputazioak, osasun zerbitzuak…).
• ASPANIFeko familiei lagun diezaieketen esperientziak partekatzea.

Taldearen arauak

1. Nor egon daitekeen taldean: ASPANIFen izena emanda dauden eta urteko kuota ordaindu duten guztiak.
2. Taldean interakzioan hastean beharrezkoa da identifikatzea (izena profilean jarriz edo izena interakzioaren hasieran adieraziz).
3. Taldean taldeko helburuekin lotutako informazioa baino ez da partekatuko. Gainera, partekatutako informazioak garrantzitsua, esanguratsua eta beharrezkoa izan beharko du gainerako parte-hartzaileentzat. Partaideek partekatzen dutenarekin arduratsuak izan beharko dute eta adierazten dutena egiazkoa izan.
4. Nahitaezkoa da besteekiko errespetua izatea: ez da inolaz ere onartuko iruzkin desegokirik, errespetu-faltarik, irainik, gaitzespenik edo min ematerik beste parte-hartzaileekiko edo taldean ez egoteagatik defendatu ezin direnekiko.
5. Taldearen ordutegia errespetatu beharko da: goizeko 9:00etatik gaueko 21:00etara, asteko egun guztietan. Hala ere, parte-hartzaileren batek premia larria badu bere seme edo alabari buruzko mediku-behar bati buruz galdetzeko ordutegi horretatik kanpo, kontsulta hori egin ahal izango du.
6. Elkarrizketak talde-interesekoak izango dira; gai pertsonaletarako eta kide bakar batekin hitz egiteko, zuzenean pribatuan egingo da.
7. Kideren batek beste bazkide batengana jo nahi badu modu pribatuan, baimena eskatuko dio aldez aurretik.
8. Taldean idazten dena taldean geratzen da: ASPANIF taldearen edukia pribatua da; ezin zaie mezurik birbidali, ez eta mezuen pantaila-argazkirik ere, beste talde batzuei edo beste pertsona batzuei.
9. Ekarpenak laburrak eta zehatzak izango dira, iruzkin edo ekarpen luzeegiek gainerako parte-hartzaileak nahas baititzakete. Informazioa argi helarazi beharko da.
10. Sortzen den informazioari arreta jarri beharko zaio; ezinbestekoa izango da aurreko informazioa arretaz irakurtzea eta berrikustea, aurretik azaldu den zerbait ez galdetzeko.
11. Taldea ezin izango da erabili ezein profesional edo profesional-talde kritikatu, iraindu edo gaitzesteko.
12. Taldea modu desegokian erabiltzen hasten bada, parte ez hartzeko ahalegina egingo da, jarrera txarrak eteten laguntzeko.
13. Ekarpenak, iradokizunak, kexak eta abar posta elektronikoz bidali beharko dira informacion@aspanif.es helbidera.

Taldeko erabiltzaileren batek ez badu betetzen gorago aipatutako arauetako edozein, Zuzendaritza Batzordeak erabiltzailea kanporatu ahal izango du aldez aurretik jakinarazi gabe.